مشت زنی سے روزہ ٹوٹنے کا حکم

السلام علیکم! مفتی صاحب میرا سوال ہے کہ روزہ کی حالت میں مشت زنی کر لی ۔ اس روزہ کی قضا مجھ پر لازم آ گئی ، چند دن بعد یہی فعل مجھ سے دوبارہ سرزد ہو گیا ۔ اب کیا ایک اور قضا مجھ پر آئے گی یعنی اب دو قضا ہوں گی یا ایک ہی قضا ہو گی یا پھر چونکہ ایک بار مشت زنی کرنے سے جنایت ناقص رہی پر دوسری بار کرنے سے جنایت کامل ہو گئی ( QTV کے ایک پروگرام " احکامِ شریعت" میں مفتی اکمل صاحب نے اس جنایت ناقص اور کامل کا ذکر کیا تھا ) ۔ تو اب کیا معاملہ قضا سے کفارہ تک جائے گا ؟ اگر معاملہ قضا سے کفارہ تک جاتا ہے تو اسی طرح تیسری بار یا اس سے زیادہ بار مشت زنی کرنے پر ہر دو کے بعد ایک کفارہ لازم آئے گا کیا؟ نیز اب چونکہ روزہ فاسد ہو گیا تو کیا ہر وہ عمل جس سے روزہ ٹوٹنے کا حکم ہے کیا وہ کیا جا سکتا ہے بالخصوص بیوی سے تعلق قائم کیا جا سکتا اور کھانا پینا وغیرہ یا احترامِ روزہ کی خاطر ان چیزوں کے لئے افطاری تک انتظار کرنا ہی پڑے گا ؟ والسلام