No Attraction to Men: Marriage or Not?

Walekumussalam,

Agar larki ka dil bilkul bhi larkon mein nahin lagta aur use dar hai ke woh shohar ke huqooq ada nahin kar payegi, to aisi halat mein is par shadi zaroori nahin hai. Zabardasti shadi karwana bhi theek nahin, kyunki is se ek larke ki zindagi kharab ho sakti hai.

Sirf dil ke andar jo feelings aati hain woh gunah nahin hain, gunah tab hota hai jab insan is par amal kare. Choonke woh khud gunah se bach rahi hai aur Allah se dua bhi kar rahi hai, to yeh bohat achi baat hai.

Is ka hal yeh hai ke:

Sabr kare aur namaz, dua ka ehtimam rakhe

Kisi achi aur samajhdar alimah ya counsellor se baat kare

Aise mahaul aur cheezon se door rahe jo is feeling ko barhati hain

Sex change operation karwana jaiz nahin hai, aur yeh is masle ka hal bhi nahin hai.

Lehaza na zabardasti shadi karwain, na pareshan hon, balke Allah par bharosa rakhein aur sahi rehnumai aur counselling ikhtiyar karein. InshaAllah Allah behtar rasta nikal dega.