Lathi khel aur muharram

Agar lathi, danda, neza, teer ya is tarah ke dusre hathiyaron ke zariye khel warzish ya jangi mashq ki niyyat se kiya jaye, aur us ki wajah se koi deeni ya ma'ashi nuqsan na ho, satr ka khayal rakha jaye, rozgar mutasir na ho, aur namaz, zikr-e-Ilahi aur dusre faraiz mein ghaflat na aaye, to aisa khelna bila karahat jaiz hai.

Lekin agar saal bhar is ki mashq na ki jaye aur sirf 1 Muharram se 10 Muharram ke darmiyan hi is tarah ke khel ka ehtimam kiya jaye, to aam tor par yeh na warzish ya jangi mashq ke liye hota hai, balkeh in tareekhon ki pabandi ke saath yeh mahz tamasha aur lutf uthane ke liye hota hai. Is liye is tarah khelna jaiz nahin, aur na hi sirf tamasha dekhne ki gharz se aise khel dekhna mashru' hai.